★*猫猫町3丁目の喫茶店..+'

想不到...想不到我所講既野，仍然殘留些少影響力...
我所講既，無愧於心..

我所講既11人之中，一半都說:
「好感動」、「你又整喊我」、「我D眼淚由心度流出黎」等等
我寫我既心所想既野出黎，
並唔係要作文章; 並唔係要賺人熱淚; 亦唔係要令到人感到慚愧、羞恥...
其他人有什麼感想、或者有冇睇過，我不在乎...
我只在乎，係呢個爾虞我詐既社會入面，
呢11個人，係咪或者曾經係我既朋友、知己、不可或缺既一個!
我好高興，大家都係呢個滿佈沙塵既利益社會入面，做過知心友...
有些變質既，無謂再提，但我只求大家做過既野無悔於心...
真係過得自己良心既，我亦都無話可說，無心再提...
但我既睇法，冇變。

每個人都會認為自己所做、所想既事係正確無誤...
朋友，只要你做事對得住自己既良心，過得到自己，就可以拉...
人地既目光，有時真係不必理會...

人生沒有幾多個十年。
好友們，一字頭既青春仲有四、五年就過去(此句與文無關)
雙十年華，係人生另一個里程碑...人開始成熟...
大家到左二十歲，仍然可以係呢個人情冷暖既世代，
維繫大家既感情嗎?

最近我覺得自己思想成熟左(咳)...
身邊既朋友，諗野、講野唔再係唔經大腦(某某除外)、不負責任、亂放飛劍...
大家都成熟了!
往後既歲月，大家可能各散東西，大家有自己既事業、家庭...
再聚時，情沒有變吧? 沒有變吧?

「再見亦是朋友」，希望大家到老時，仍是一班老友。

頭先同老豆講左好多好多...
都係關於我...
前路茫茫，我應該點?