係我部腦太慢，定個網太慢呢?
我就黎忍唔住呢種速度拉!!
天氣轉涼了!! 紅色格仔小丑褲!! i miss u so much *3*!!
終於可以再著住你拉!!
可惜冇鞋冇衫襯你/3\..只可以係屋企範圍內著你拉~~
尋晚冇返屋企
兩個人一齊周圍走..發生左好多事! 好正!
尋日5點幾去左長宏果度果個什麼"葵青自然教育徑"(名字係咁上下的)
不停行行行行行..
沿途見到好多阿婆阿伯，令妹都有個
行到十份一路程既時間，見到有一個類似斜坡既地方，有好多字!!
有d係雲石板上面刻左個"靜"字，有個仲刻住"忍一時風平浪靜，退一步海闊天空"
果d雲石板好似係鑲左係斜坡上面咁!!
係最下面見到有塊磚，下面壓住左張類似公文既東西..原本想拎起睇下的
但比人截住左-3-..
之後繼續不停行行行行行..
空氣好fresh*v*..景觀很棒!! 成條青馬bridge見哂!
行行下見到條分岔路，行左入去睇下..
之後...XDDDD不說了
THEN行行行行行行行..
行到上其中一個山頂拉!! 貼下相相先..
能見度遍低丫-3-...
之後抖左陣，繼續行行行行行..
沿途發現左勁多山墳..基本上完全淆哂! 起馬見到10個以上!! 有D仲要係勁大的!!
就好似黃大仙廟果個咁大!!
行行下，咦? 天咁黑既*口*?!
心有不妙-0-...2人立即逃走..!!!
由於天越黎越黑既關係，山路越黎越黑，如果冇開燈既話簡單可以用伸手不見五指黎形容!!
行行下去到一條好高既地方，上面完全冇樹，可以清楚見到月亮伯伯
之後又影左幅相~~
後悔冇影到青馬大橋果邊丫!! 超令的說!!
之後繼續行..某笨人用燈照到D唔應該照既野...一個罐狀物..後面有一個類似牌既東西..
知道是什麼了嗎?! (極度相信同之後係長亨發生既事有關!! 請繼續睇落去!!)
繼續立刻逃走!!
山路越黎越黑/口\...係勁黑果種..好彩呢條係教育徑，每半公里都有個地圖牌..
途中仲出現好多令人懷疑明明係落山但係竟然係上山既梯級、不太清楚地形而懷疑應該行左定行右既分岔路、同埋有時係3條既分岔路=口=...
恐怖的是，好大風!! 好多風聲、樹葉聲!!
仲試過..聽到有人咳既聲@@!!! 超級恐怖!! 咁黑行山路係第2次，得2個人行係第1次!!
不停咁行，不停咁喘!! 心臟好似就黎負荷唔到咁!! 救命!! 勁想CALL飛行服務隊XD
有次仲聽到後面好似有腳步聲咁!! 勁淆!!
之後不停不停咁行，終於到出口拉/口\..我地由教育徑南面入口行左去西面入口!!
都唔知行幾多公里幾多個山頭=口=...逗留左3個鐘度
出到黎勁驚會好似鬼魅山房咁去左異世界XDD
之後又迷左路，又行左爆耐先返到長亨XD
之後肚子餓了._.去左大快活食一個名叫"臘腸北菇蒸雞球煲仔飯"既飯
唔知係特登定點..個飯咁既樣..
勁XD既樣..
食完之後行左陣，係七仔買野飲 & 野食，去左商場後樓梯坐 & 傾計 & 影不良相相..XDD
影左幅好正既相>W<!!
美中不足的是，手中拿著既係菠蘿啤XDD
用左曝光效果 & 冇開閃光燈!
之後某笨人係度玩火機，燒TENPO-口-
先說說位置，我地原本坐既位置係係商場頂樓既後樓梯既最高一層
向上走係出天台(即有度門)，後下走係一直通向商場各層 & 停車場
我地係落左一層樓梯，即向上望可以望到我地原先坐既地方
我地就係果度燒TENPO..燒完真係好令-3-好似一朵黑白色既薔薇(還是我想像力太豐富呢?!)
突然間我聽到樓上(ME原先坐既位置)傳來一D雜聲，就好似屋企大寶摷木糠咁既聲!!
然之後望上去竟然見到個黑色人形物體!! 當時既情況就係咁:
睇得明嘛- -"? 本人不擅用小畫家..係咁上下
個黑色人形物就好似一個短頭髮既男仔半坐係度咁
當時以為係偷電話，就立刻衝上去，個影即刻向天台果邊走左!! 但電話猶在!!
恐怖既係，我見到既係一個黑色人形物!! 以當時既燈光，無論點背光都冇可能見到個"人"係全黑!!
眼耳口鼻咩都見唔到!! 手腳更加唔洗講!! 但更加恐怖既係，佢走果陣我見唔到佢2條腳應有既輪廓!! 就好似一隻被人發現既野貓逃走咁樣，只見到一條黑影閃過!!
我地一衝上去已經立刻出去天台門睇下個人係邊..
但竟然一無所獲!! 冇人!!
但最最恐怖既係，事後問返羊見唔見既時侯，佢就然答:「見唔到有野，聽唔到有聲。」
什麼?! 得我見到嗎?! 但這冇可能係錯覺!!
因為我地上到去果陣的的確確見到度門係準備閂埋!! 如果冇人開門，又點會閂埋?!
邊有咁大風?! 實心門都吹得開?!??!
超靈異事件!!
都理唔到咁多了...立刻出左去。
之後打算行去青衣城附近行下..(但已介深夜XD)
由長亨慢慢行落去，行到去行人隧道果陣，某人話行隧道好遠，直接行馬路過就算拉
點知笨人過左去之後，就有架龜車行過黎-口-...
比龜逗!! 有生以來第一次比龜逗!!
原來比龜逗係咁有趣的XDD
條差佬重覆係咁問幾個問錯幾次XDDD忍笑忍得勁辛苦!!
問笨人果個勁似鈴木仁!! 唔通拍完戲轉行做差佬?!
今天到此為止-V-係DINNER..
留言列表
