★*猫猫町3丁目の喫茶店..+'

好累...最近覺得，"人"呢樣生物好難捉摸...好好地，點解要變成咁? 我唔明白...

to 12469:
鐘意一個人，洗唔洗變成咁? 要忘記一個人，用時間已經好足夠...用時間去忘記一個人的確要好耐，你咪當做買個教訓，等自己唔洗有下一次既錯愛囉? 點解你要去傷害身邊既人? 你覺得咁樣做就會忘記到你愛既人? 我話比你知係冇可能囉...人係唔會"忘記"曾經發生既事，只會"醒不起"...你堅決要傷害身邊既人，有咩好處...? 損人不利己...作為你既朋友，無論你信唔信我都好，你發生任何既事，我都會係你身邊支持你...你做錯事，我都會批評你...但你為左佢，失去所有朋友又點? 你就會得到佢既愛拉咩? 到頭來傷害得最深既，可能係你...點解要咁做? 我覺得唔值得為左一個吊兒郎當、冇認真考慮你地既感情問題既人而咁做囉...你失去所有野，代表左d乜? 唔代表佢會認真考慮你地既問題! 唔代表佢會正面咁面對你地既問題! 只意味住你失去左好多有價值既野! 咁你做盡咁多野又有咩意義? 你為左一個咁既人，唔單止傷害身邊既人，仲傷害自己!! 值得咩? ...講真我真係對你好失望，唔係因為你欺騙我地，而係你為左一個咁既人而變成咁! 每個人既相識都係緣份既牽引...只少我係咁樣認為，既然你地既緣份份屬朋友，我覺得無需要勉強...勉強冇幸福，你覺得自己而家幸福嘛? 點都好拉...若然你仍然要咁做，我唔會阻止你，始終我都只係你既朋友，並唔係你咩人...我冇權阻止你，不過我盡左我既能力去做我做到既事...我覺得已經冇遺憾，接下來既事，我唔會再干涉你，你就做你喜歡既事拉...不過我想話你知，呢度有個人等緊你，等緊你變返做從前既你。